OS MATOS DOS NOSOS MONTES (I): A QUEIRUGA

PROPIEDADES

• Astringente e antiséptico intestinal polos seus taninos.
• Diurética e antiséptica das vias urinarias pola brecina.
• Na Idade Media como (herba Ericae) é utilizada en homeopatía para o tratamento de afecciones renales.
• Posúe acción sedante sobre o sistema nervioso central.
• É unha das chamadas 38 Flores de Bach, remedios naturais para as enfermidades físicas que, segundo o Dr.Bach, tiñan unha orixe emocional que non se tratou. O brezo é en concreto un remedio para previr as emocións de egocentrismo. 
• Coa Queiruga elabóranse os habituais cerramientos para xardíns que podedes atopar en todas as tendas especializadas
• Ademais, a palabra Calluna, deriva da palabra grega barrer, xa que antiguamente a planta usábase para elaborar escobas.Na actualidade e en zonas rurales aínda se utiliza a queiruga para elaboralas, converténdose o proceso nunha actividade 100% artesanal.
•  Tamén hai que destacar a alta calidade do mel que se obtén do néctar das súas flores, facendo que o mel de brezo? sexa das máis consumidas no mundo enteiro.

 ORIXE DO NOME
O nome de queiruga ten dous significados básicos, por un lado é unha denominación xenérica das especies do xénero Erica e por outra banda identifica á Calluna vulgaris. A súa orixe parece derivar da forma latina CARIOCA, aínda que hai estudosos que pensan que pode derivar dunha raíz prerromana *KAR -  que significa “rocha, cousa de constitución dura, planta de monte, áspera e dura” , de xeito equivalente á orixe da palabra carrasco/a, e carpaza/o.

Outros nomes
QUEIROGA, QUEIROA, CARRASCO, QUEIROGA CARRASCO, QUEIROGA DA CRUZ

DESCRICIÓN
A queiruga é un mato leñoso moi ramalludo desde 15cm  ata 1m de altura, pelado ou con peluxes, de ramiñas avermelladas e de pequenas follas moi imbricadas dispostas sentadas sobre as ramiñas

 

 

HÁBITAT
É un dos matos máis frecuentes de Galicia. Grazas aos seus amplos marxes de tolerancia aparece por todo o territorio, desde o nivel do mar ata as máis altas montañas. Forma parte dos matos con toxos e uces e dos matos de substitución dos bosques que foron queimados ou talados. Desenvólvese sobre solos acedos (silíceos) pobres, de espesor xeralmente menor de 50cm e humidade variable.  A menudo forman extensas manchas sobre solos empobrecidos.
FOLLAS
As follas da queiruga son perennes, de cor verde, sentadas sobre as ramiñas en verticilos de 4, moi imbricadas e próximas unhas a outras, formando catro filas en forma de cruz. Cada folla é lineal e moi pequena, con marxes lisos, coma se foran pequenas escamiñas.
FLORES
As flores son rosadas con 4 pequenos pétalos soldados (2mm) que quedan no interior de 4 sépalos que parecen pétalos de cor rosado. Disponse en acios flouxos nas axilas das ramiñas superiores.
FROITO
O froito é unha cápsula redondeada con peluxes que contén numerosas sementes. Ábrese en 4 valvas. As sementes son ovais, de cor rubia.
FLORACIÓN: finais de primavera -  verán – outono.